Entrevista na radio

Esta mañán escoitamos na radio unha entrevista a Radiohead como en pirulas de 30 segundos. Non vaia ser que digan algo "interesante" ou se extendan. O interesante é o formato do programa "en si", a comunicación moderna e a contracultura dosificada. Entre a faísca cronometrada atopamos un sentido, que pouco ten que ver con, por exemplo, as dúas pirulas que resumimos a continuación:
1) "The bench" marcou a transición entre Pablo Honey e O. K. Computer (e a nós que nos importa).
2) Participando no movimento contra o cumio do G-8 en Colonia démonos conta da debilidade ante o Sistema. Logo emparanoiámonos trasladando esa lectura política ao disco...
A palabra paranoia debeu aparecer en 6 ou 7 das pirulas; sutil xeito de desprestixiar a música que se programa coa etiqueta de moderna, pop ou vangardista.

Claro que ao Tom Yorke xa lle vale, tamén, con tanta paranoia e tanta película.