Isto é un blues contemporáneo, que se di pronto. Los Deltonos, algún ou algunha mesmo se lembrará deles. O que se pode considerar un grupo de oficio, de curro, lonxe dos focos da fama. Foron relativamente coñecidos a raíz dunha sentenza xudicial. Eles, Hendrik Röver, nunca cambiaron, sempre perseguiron as cancións boas. A miúdo compareino con Josele Santiago, sen o seu talento á hora de escribir, mais sobrado no resto. Coherente e esixente.
A canción, que pertence ao seu novo dez polgadas, Saluda al campeón, trae unha mensaxe obvia contra o presidente do goberno, un tal M; con todo, como tódalas boas cancións, ofrece algo máis. Polo prezo de tres cervexas ben reverberadas.
_
Nenhum comentário:
Postar um comentário