O Artista Antes Dispoñible nas Tendas

A etiqueta non é nosa. Paul Quirk, presidente dunha nebulosa asociación de productores musicáis, endosoulla con toda a xenreira e frustración da que era capaz a Prince, quen vai agasallar o seu novo disco co Mail on Sunday (2 millóns de tirada cada domingo) e coas entradas aos seus 21 concertos londinenses. Pensabamos que aquela guerra que librara Prince coa Warner respondía máis á excentricidade da estrela que a un posicionamento respecto á industria, e quizáis nos pasamos de frívolos.
Prince sempre se nos antoxou un onanista incontinente, pero hai que recoñecer que o que fai está moi por enriba da media (non é que nos caia simpático agora polo simple feito de ir contra as discográficas).