Un continente para Miguel Bosé

Atópase no Youtube o arquivo de vídeo deste tema, do "unplugged" que Café Tacuba grabou para a MTV, pero pasamos del porque ten un son demasiado cutre. Subimos o mp3, que está ben, aínda que vaia coa introducción cortada. Non, van ambos arquivos, pola introducción. Lembrámolo co gallo do concerto que "ofreceron" hai uns días, na Habana, Juanes, Miguel Bosé e demáis cachorros da disidencia en Miami.

Concerto pola Paz, por qué Paz, ¿A Paz, así en abstracto e "maiúsculo"? E o Miguel Bosé de campeón, de valente, e logo todos a discutir a ver quén instrumentalizou mellor o evento, se Fidel Castro, Zoé Valdés, o cinematográfico cadáver de Guillermo Cabrera Infante ou eles. Preferimos as represións do réxime castrista a escoitar a estos "embaixadores da Paz e a Liberdade".

Escribiu Miguel Bosé nun artigo publicado en España que Pablo Milanés non puido participar na festa "por motivos de saúde", pero que tiña visado para EE.UU.: viña dicir que xa é un dos seus (a saber). De Silvio Rodríguez non dicía nada, e lembremos que hai uns poucos meses a Silvio negáronlle a entrada no país de San Obama para un concerto de homenaxe e Pete Seeger (estivo Emmylou Harris).




<>