O mellor lugar do mundo

O PP local arrastra un problema dende que Telmo Martín se largara para Pontevedra. Un problema de xestión interna sen importancia, tranquilos. Chegou o momento de resolvelo, e vai facelo en Madrid. Alí reuniranse con Feijóo os seus máis destacados concellais. En Madrid (barato barato). A miña miserenta neurona só atopa dúas explicacións ao lugar escollido:
Ou temen que aquí se filtren as conversas (restaurantes mal insonorizados, teléfonos pinchados, compañeiros envexosos...).
Ou simplemente deciden que certos asuntos hai que tratalos na metrópole.
Dentro da política de xestos que nos domina, por certo, o superaxente Feijóo demostra gran sinceridade ao pasarse a vida na (verdadeira) capital. Saúde.