Os perdedores prefírenas de bote

Cando Corina Porro se desatou cunha muñeira púxose en celo. Esa muller facíao ouvear coma un lobo. Estaba petrificado ante o televisor, tragando pasivamente os resultados electorais. Conectaron coa celebración do partido en Pontevedra, e a ex alcaldesa máis sexy do orbe, non sabemos se motivada pola presenza das cámaras, arrancouse con tan galego baile.
- Estás empalmado - fíxolle ver a súa muller.
- Eh... claro... é que ese camisón que levas...
- Veña, home, que a última vez que me miraste o cu aínda mercabas discos de vinilo.
Pasoulle a erección. Bisbou sen carraxe e seguiu ollando a tele, cómo bailaban e rían e descorchaban champaña. "Corina voltará a Vigo", díxose satisfeito.