A carraxe impídenos

A manifa de onte en Santiago foi, segundo GB e La Voz de Galicia, unha “evidente muestra de intolerancia lingüística”. Gloria Lago aproveitou para chamarnos paletos. O superaxente Feijóo, facendo gala do seu resplandecente inxenio, dixo que mentras unha minoría exaltada (20.000 pirados, segundo La Voz e El Faro) perdíase baixo a choiva, El estaba onde había que estar, botándolle herbicida á tumba de Ramón Piñeiro. Dixo, tamén, que ninguén se pode apropiar da lingua (eso estívolle ben ao Bloque, que non fixo nada en catro anos de goberno e agora quere recuperar protagonismo na Rúa), e que non se pode “impoñer”.
Coidado con mosquearte, eso non, se te anoxas tes un problema. Se acoitelan a un colega non te anoxes, se te quitan a lingua vai ao psiquiatra, pero non berres, que cha quitan polo teu ben, para que fales o que se debe falar (neste caso non é unha imposición, por suposto, son tan só 500 anos de bilingüismo armónico).
<>