A familia Diabaté

Este Mamadou Diabaté é fillo de Toumani (Diabaté). Non sei se é o mesmo que tocou onte con el en Algeciras, nun concerto alucinante que retransmitiu Radio 3 a medianoite, e que a casualidade quixo que escoitara. ¿Por qué alucinante? Porque aquelo era Música e Comunicación (non me importan as maiúsculas), e non o lixo que escoitamos todos os días. Houbo algún intre “sacro”, co vello só tocando a kora do demo, pero logo se sumaba toda a banda e aquelo era unha festa, e o tipo que tocaba a guitarra eléctrica, que sería o fillo, era un monstro, e improvisaba ata o infinito sen cascarse ningunha paja! Alucinante, un pracer inmenso. Os que asistiron ao concerto deberon flipar, porque só pola radio xa te entraban unhas ganas de bailar e de abrazarte a todo o mundo inéditas (polo menos para min).

Os Diabaté son de Malí, e polo visto o fillo encarna a 76 xeración, vouno dicir ben, a septuaxésima xeración dunha famila consagrada á kora do demo: 21 cordas que o tipo ata lle dou por explicar cómo se tocaban; está tirado, con estas fas o baixo, con estas debuxas unhas poucas melodías... bah, esto faino calquiera :)
Hai xente que te reconcilia coa música, co significado primordial e vivo das palabras (si, si, porqué non deixarnos levar?). Os Diabaté son desa xente.