O martini que non

Este vran hai concertos ata en Sanxenxo, aínda que algún se malogre, provocando entre os lugareños crises de histeria e ansiedade. Foi o que aconteceu o sábado. Estaba prevista a inefable aparición de David Bustamante. O concello habilitara unha carpa onde se podía ler dende lonxe: “APERITIVO CON BUSTAMANTE”. Inexplicablemente (seguro que foi cousa do demo), non escintilaron os ollos da estrela latina entre o vulgo. Non apareceu.
Ademáis, o concello, que non ten cintura ningunha, limitouse a recoller a carpa, en vez de tachar o “con” de “aperitivo con bustamante” e chimparlle enriba un sinxelo “sen” (bueno, “sin”). Polo menos emborracharíamonos.

Agora que o penso é normal que non aparecera. Non mediou Satanás, nin houbo ameaza de bomba reivindicada por algún grupo independentista. Non. Foi o concello quen o espantou escribindo esa frase tan vulgar na carpa: “APERITIVO CON BUSTAMANTE”.
Se puxeran “piscolabis”, ou mellor, “refacción”. “REFACCIÓN CON BUSTAMANTE”, eso xa da máis nivel, ¿non?

Bueno, quédanos Pimpinela (¿escríbese con dous “eles”?). E en Cambados, que sempre nos levan ventaxa, traen a Fangoria e a Deluxe.