A motivación dos terroristas

UPyD, o partido de Rosa-Fashion-Victim-Díez, tamén sacou a súa carraca sobre a persecución que está a sofrer o castelán en Galicia, acusando a Feijóo de continuar a política lingüística do bipartito, de porfiar no adoutrinamento nacionalista. Aseguran con claridade nun comunicado: "Incumprindo as súas promesas electorais, o presidente Núñez Feijóo consinte que se siga atentando contra a liberdade lingüística dos galegos e que se utilicen os centros educativos para fomentar nos mozos actitudes violentas".

Os pais non podemos permitir que aios dementes instrúan aos nosos fillos no terrorismo (e sen necesidade de voar a Caracas). Eu descobrín, ademais, que subiron a oferta do integrismo islámico: se se inmolan no nome da Lingua Galega, garántenlles un harén de huríes, un Citröen e un chalé na praia.
_