Eilen Jewell tocou en Cangas

Que se di pronto. Os de Cangas arrastraron de sempre sona de bravos, mais agora decóbrennos o seu sensible corazón musical, sobriña tenrura. SalaSon, patrocinado por Frigoríficos do Morrazo. Foi onte ou nontronte. Non fun, non lin nada, só sei que era. Concerto de Eilen Jewell, co mozo ás baquetas, o gominas tranquilas ao contrabaixo e á guitarra o grande, enorme Jerry Miller oculto no seu sombreiro de cowboy e as súas botas de pel de cocrodilo.

A raíña dos tons menores, a autora do mar de bágoas, mandacarallo cos de Cangas e os Frigoríficos do Morrazo. Qué piropos lle soltarían, pregúntase a miña violenta envexa, asomándose como se estivera ao outro lado.
_