Onde o negocio é menor

Hoxe o do Faro ergueuse con ganas de demostrar enxeño: “De Lucas canta un bolero a Machín”. Machín é o adestrador do Numancia, a quen dobregou o Celta, dúas gardenias para ti, non sei se pensando xa no ascenso, no partido contra o Depor ou en resposta á afronta oficial do club soriano, que dende a súa web quentou o partido calificando de trampón ao dianteiro celeste, lembrando o último polémico enfrontamento da tempada pasada.

O fútbol resiste en campos de segunda, podes faltarlle ao contrario coa naturalidade inherente ao xogo. Non vas facerlle nada malo, só te ofende unha decisión arbitral e o expresas, sen esa frixidez e mentida corrección dun Florentino ou un Rosell.
_