Non deixou de min un pensamento

Regreso á banda sonora doutra serie, True Blood, que está moi ben, pero nada é comparable ao de Nova Orleáns. Unha das cancións que non sei se foron grabadas expresamente para a serie é un dúo, Neko Case e Nick Cave actualizando un clásico de The Zombies, o típico grupo que os músicos adoran, os críticos citan e nós nada, a velasvir.

Suponse que é terrorífica porque a serie vai de vampiros e outras criaturas do señor alcalde. Cada un escoita o que quere. Eu escoito a Neko Case abalanzándoseme grrrrrrrrrrrrrrrrau (esaxérese ben) como unha tigresa.
_