O pracer e a carraxe

Esquézanse do somnolento intercambio de cifras entre convocantes e policía os días de manifestación. Onte, en Santiago e moitas cidades do mundo, disque 951, eramos catro matados, número que se deduce comodamente das palabras do Grande Gurú Josemari Sin Complejos: “extrema esquerda marxinal antisistema”. Dixo tamén que “a súa representatividade non é importante na vida española”, e dixo ben, na medida na que a (súa) vida española non é importante para nós, pa, non te poñas intelectual que te pos malo, vai daí.

Unha tarde guapa con parte da familia alí e logo índolle tomar algo pola Raíña. O que si tardamos en comprender é que mentras falabamos e pediamos unha táboa mixta no Abrigadoiro, o presidente de todos os galegos, de xira recadavotos no exilio, ordenara queimar o monte.
_