Don Xerar Ilusión en eBay

Inicia o seu mandato o rexedor compostelán con convincentes promesas de austeridade. Baixarase o soldo de Bugallo un conmovedor 3% durante o primeiro ano; se cumpre os obxectivos que se marque, recuperará esa porcentaxe; se non os cumpre, reducirao un 1% máis. Ao fío desa política pretende rescatar a antiga distribución da alcaldía, de cando o arcebispo aínda alí paraba, máis espartana, máis severa, máis austera, e algúns mobles da época de Xerardo Estévez, que o mesmo andan en poxa por eBay.

Do mesmo xeito que estos cargos se adican agora a desbotar ou reivindicar vitrinas e aparadores, tamén poderiamos nós vendelos; democracia: vendo alcalde de dereitas en bo estado, unha lexislatura, austera oratoria, experto en sandeces e mentiras, amigo fiel dos seus fieis amigos.
_