O meu pai sostén que o saber non ocupa lugar

Hoxe tocaba o coloso Aubisque e uns corenta quilómetros para baixo ata chegar a meta, ao fondo á dereita. Tregua na clasificación xeral. Descendía escapado Jérémy Roy o porto, fogueado, e o seu director, dende o coche, semellaba dicirlle frena un pouco que te me vas matar, ao que o corredor galo debera replicarlle non me amoles, logo de subir esa montaña empinada retorcida insufrible vasme dicir que non podo correr.

Ao fondo á dereita, sen embargo, fastidiáronlle o triunfo de etapa, Hushovd e Moncoutie. Roy graduouse en enxeñería mecánica e automatizada no 2007. Obtivo a súa primeira victoria como profesional nunha etapa da París-Niza do 2009.
_