A banda sonora de Sharleen Spiteri

Hai novo disco dunha das nosas iconas sexuais, un traballo no que repasa temas de películas que por un motivo ou outro lle marcaron. No dos motivos mellor non entramos, e de paso esquecémonos do melosas dalgunhas eleccións tanto na lista como nos arreglos. É este un producto para toda a familia, un pouco como a serie esa de televisión “Cuéntame cómo pasó”, pero se lle quitamos o que sobra e poñemos da nosa parte, podemos gozar da amada voz e do oficio desta muller que se atreve, agárrense, con Billie Holiday e Tom Waits (e Simon & Garfunkel e Elliot Smith e Bowie).

Que cante "Pretty Woman" ou a de Top Gun semella unha decisión comercial, ou algo máis; Top Gun foi a segunda película que tiven oportunidade de ver no cine, logo de Superman, nunhas “xornadas” organizadas polo colexio na sala que só se usaba para os mitins, cando tocaban as primeiras eleccións. Deixámosvos con “What’s new pussycat”, de Tom Jones.


<>