O xornalismo galeguista non ten prexuicios

Informan da creación dun “selo discográfico dixital galego con vocación internacional”, Tullido Records, fundado por tres picadiscos galegos e con delegación en Suíza, non sabemos se por animar aos que emigraron ou porque se desplazou ata tan tranquilo país o epicentro das raves. Vale, este é un proxecto galego, pero non ten pinta de que, para comenzar, na súa web inclúan o galego. Tamén é certo que os picadiscos de proxección internacional ou ibicenca (ou suíza), co seu house, trance, breakbeat e ragga-jungle, non se distinguiron nunca por un compromiso político-social, non teñen ningunha obriga e case mellor así, non sei, eu teño demasiados prexuicios.

Lembran a La Voz ou ao Faro cando sinalan as fortunas de Amancio Ortega e sacan peito porque o pai de Jorge Lorenzo, o das motos, resulta que é galego (guau, qué galego-subidón!). Que fagan bailar á peña e que o fagan ben (vai colaborar con eles Guru Josh, coidadiño). Veña, a flipar todos á pista de baile. O mesmo Feijóo se anima coa actriz aquela.
<>