O galego mata tranquilo

Segundo un estudio desos serios, en Galicia resólvense moitos máis delictos e crimes que en calquera outra comunidade española, o que pode deberse á pericia e obstinación das distintas forzas policiais que aquí operan, en plan C.S.I., ou a que os galegos sempre nos entregamos á Lei. Inclínome pola segunda hipótese.

- Manolo, matei ao cabrón do Lobo, xa estaba farto de que me movera os marcos pola noite.
- ¿Pero qué fixeste, home, qué fixeste? ¿E qué fas aquí?
- Como que qué fago aquí, se che parece fuxo como nas películas que botan na tele. Xa sabes que eu o coche só o collo en casos de extrema necesidade, que hai moito tolo na estrada. Ademáis, fun eu, se me dixeras que foi outro aínda bueno, pero fun eu...

Entón veñen do cuartel, toman declaración ao asasino e aos viciños, precintan o escenario do crime e as cámaras de televisión toman o lugar.
<>