Un goberno aforrador

Aquí seguimos, ¿tercos como mulas?, non, coma bois tirando do carro do atraso, coa valumada do ancien régime, se me apuran, da cultura acomplexada á que tan oportunamente se refire (non “referiu”, non en pasado, non palabras que matizar ou desmentir), ese home de mundo que é Roberto Varela, que traballou no consulado de España en New York e domina non sei cántos idiomas. E de dominar idiomas é do que nos imos ocupar agora, estimado o que gastará a Xunta en divulgar “o valor do plurilingüismo”: arredor dun millón de euros. Sae hoxe no Xornal.

Sorte temos nestos tempos de miseria disfrazada de eufemismos e tarxetas de crédito que o señor Feijóo prometeu austeridade. O presidente cumpre, cos coches e coa lingua; este gasto está xustificado, porque ten que convencer ata a Bruxelas, e unha páxina de publicidade en La Voz de Galicia aínda costa unha pasta.
<>