A frivolidade é cousa de asegurar a todo risco

A televisión é xornalismo serio, desculpen a redundancia, porque xa se sabe que todo xornalismo é serio. Proba do que estamos a falar é unha nova que deron hoxe nun telexornal sobre as partes do corpo que tiñan aseguradas algúns famosos. Ía argumentada: aseguraban, taxaban aquelas partes ou membros consideradas ferramentas imprescindibles para o normal desenrolo das súas actividades profesionais. A saber: os dedos de Fernando Alonso, o cu de Jennifer Lopez, a voz de Madonna... e así un longo etcétera que completaba Tom Jones, asegurado o seu peito de lobo por 3,5 millóns de euros.

É o que ten ser fillo de mineiro galés e cantar “What’s new pussycat” coa camisa aberta, vale, non me parece mal, pero entón, qué aseguro eu antes de que Seguros Ocaso se aproveite dos meus atributos? Hai que estar preparados para o que poida pasar.
_