Un partido sen interese

Os uruguaios, cun equipiño modesto que se afixo en poucos días a sobrevivir miragrosamente, están pelexándolle o terceiro posto, manda carallo, a Alemaña, que era quen debía xogar a final con España (individual e colectivamente é moito máis equipo que Holanda; tanto se louva a Sneijder e a min non me gusta, e Robben só ten unha xogada). Se mañán se impón a normalidade e España proclámase campiona do mundo, o fojeteiro ben pode tirar un fojete por Uruguai, gañe ou perda, e outro por Alemaña.

Polo de agora van empatados a 2. Gozo do partido porque non se me perde nada nel, e cando os alemáns se soltan dá gusto velos. E inda por riba os outros saíron respondóns. En fin, a Mannschaft acaba de marcar o terceiro. Queda pouco.
<>