Os presos de conciencia escollen España

É vostede un preso de conciencia? Fuxa, fuxa desta páxina; baixo a inocente máscara dun creativo vago trepida unha lavadora de cerebros centrifugando. Non lea unha liña máis, porque non nos facemos responsables dos irreversibles danos ideolóxicos que sofrerá. Estamos con Fidel Castro. ¿Un dictador? Non tanto como din. Os que buscaban un mundo máis xusto (qué boa xente) abrazárono nos seus comenzos, para ir renegando del conforme cumprían os seus soños de turistas intelectuais, sentimentais e sexuais. Fidel xa hai moito que non mola; Cuba é un cárcere, un muro comido pola lepra, a fame e a vergoña.

Preso de conciencia, distendida expresión. Din que é cualquera persoa encarcerada pola súa raza, relixión, cor de pel, idioma, orientación sexual ou credo, mentras non teña defendido ou practicado a violencia. Tamén din que é un mal endémico en Cuba; aquí non hai deso, somos “ceibes de conciencia”, como en Honduras ou Colombia.
<>