Non me sexas foraxido

Estas últimas semanas estiveron a puír a lei de reforma laboral, de todos coñecida. Repetían a palabra flexibilidade como se fora un mantra avariado, mentras o presidente do goberno insistía en que dita reforma “está feita para evitar despidos”. Os ignorantes nunca nos enteramos de nada. Durante o proceso amarraron logros inéditos como o despido preventivo; se a empresa non gaña o que ten que gañar, estás fóra (chamábaselle despido obxectivo; a novedade consiste en que o recoñecen abertamente, con plena cobertura legal).

Non imos referir aquí ese e outros puntos do texto, que para eso están os xornais (permítese asubiar). Tras o seu exitoso trámite no Congreso, pasou a mans do Senado, e como dixo Isaac Rosa, confiemos en que alí non o retoquen máis. Puír: tornar liso, sen protuberancias nin desigualdades, fretando con algo (RAG).
_