A foto do mundial

Ollaron a Louzán, Feijóo e Telmo Martín na Ferrería, en Pontevedra, rodeados de groupies octoxenarias drogadas con tinto do país (ninguén dixo que ser unha estrela do rock’n’roll fora doado). Louzán, como sempre, nun discreto segundo plano; Feijóo coa súa insólita emoción de lentes empanadas; Telmo co rostro pintado coa bandeira, como se fora un sioux que volve triunfante dunha belicosa negociación onde se xogaba un edificio nas Rías Baixas; todo sexa por humanizar a esos bárbaros, que polo de agora non lles humanizo máis que as rotondas.

Algún pensará que é un contrasentido, porque os brancos expanden a civilización e os caras pintadas recuan e xuran en arameo, que os cabróns ata se matriculan na escola de idiomas, pero non, Telmo ten as ideas claras e pinturas de guerra; esto aínda está empezando, amigos. E sorrí.
<>